काबुल। अफगानिस्तानले सोमबार देखि २०२६ को पहिलो पोलियो खोप अभियान सुरु गरेको छ । अभियानले पाँच वर्ष मुनिका ७३ लाख बच्चाहरूलाई पोलियो भाइरसबाट जोगाउने लक्ष्य राखेको अफगानिस्तानको स्वास्थ्य मन्त्रालयले जनाएको छ ।

सोमबार – बिहीबार सम्म जारी चार दिने अभियान अन्तर्गत देशका ३४ वटा प्रदेश मध्ये १८ वटा प्रान्तका बालबालिकामा पोलियो खोप लगाउने मन्त्रालयका प्रवक्ता शराफत जमान अमरखिलले बताएको छ ।

अभियानको सफलता सुनिश्चित गर्न आदिवासी अग्रज, धार्मिक विद्वान र अभिभावकलाई स्वास्थ्य कार्यकर्तासँग पूर्ण सहयोग गर्न अमरखिलले आह्वान गरेको छ ।

सन् २०२६ मा अहिलेसम्म पोलियोको कुनै घटना दर्ता भएको छैन । यद्यपि, द्वन्द्व पीडित राज्यमा पोलियो रोग उन्मूलन गर्न जारी सरकारी प्रयासहरूको बाबजुद सन् २०२५ मा अफगानिस्तानमा कम्तीमा नौ वटा घटनाहरूको पुष्टि भएको थियो ।

अफगानिस्तान र छिमेकी पाकिस्तानमा जङ्गली पोलियो भाइरस सङ्क्रमण अझै उन्मूलन हुन नसकेको जनाइएको छ ।