काठमाडौँ
००:००:००
७ फाल्गुन २०८२, बिहीबार
काठमाडौँ। इङ्लिस प्रिमियर लिग अन्तर्गत आज भएको खेलमा आर्सनल र वुल्भ्सले २–२ गोलको बराबरी खेल्दै अंक बाँडेका छन् ।
खेलको पाँचौँ मिनेटमै बुकायो साकाले गोल गर्दै आर्सनललाई सुरुवाती अग्रता दिलाएका थिए। दोस्रो हाफमा ५६औँ मिनेटमा पिएरो हिनकापीले गोल गरेपछि आर्सनलले आफ्नो अग्रता दोब्बर पार्यो।
यता, ६१ औं मिनेटमा ह्युगो बुएनोले गोल फर्काउँदै वुल्भ्सलाई १–२ को अवस्थामा ल्याए। डी–बक्सबाहिर बाट प्रहार गर्दै उनले उत्कृष्ट गोल गरे। त्यसपछि, इन्जुरी समयमा रिकार्डो कालाफिओरीले आत्मघाती गोल गरेपछि वुल्भ्सले खेल २–२ को बराबरीमा ल्याउन सफल भयो।
शीर्षस्थानको आर्सनलको २७ खेलबाट ५८ अंक छ भने एक खेल कम खेलेको सिटीको ५३ अंक छ । वुल्भ्स १० अंकका साथ पुछारमा छ।
