काठमाडौं ।  राष्ट्र, राष्ट्रियता, धर्म संस्कृति तथा नागरिक बचाउ महाअभियानका संयोजक दुर्गा प्रसाईंलाई प्रहरीले शुक्रबार बिहान भक्तपुरस्थित निवासबाट पक्राउ गरेको छ।

जिल्ला प्रहरी परिसर भक्तपुरको टोलीले बिहान करिब पौने ८ बजे पक्राउ पुर्जी थमाएर उनलाई नियन्त्रणमा लिएको हो। पक्राउ पुर्जीमा ‘सार्वजनिक शान्ति विरुद्धको मुद्दाको अनुसन्धान’ उल्लेख गरिएको छ।

उनी हाल जिल्ला प्रहरी परिसर भक्तपुरमै राखिएका छन्। यसअघि पनि ४ फागुनमा पक्राउ परेका प्रसाईं १३ फागुनमा सर्वोच्च अदालतको आदेशपछि रिहा भएका थिए।