काठमाडौं ।नेपाली कांग्रेसको १५औँ महाधिवेशन असोजमा हुने भएको छ। आज बसेको केन्द्रीय समिति बैठकले असोज १६ देखि १९ गतेसम्म काठमाडौंमा महाधिवेशन आयोजना गर्ने निर्णय गरेको हो।
नयाँ कार्यतालिका अनुसार वडा अधिवेशन भदौ २ गते, गाउँ तथा नगर अधिवेशन भदौ ७ गते, प्रदेश क्षेत्रीय अधिवेशन भदौ १७ गते र क्षेत्रीय अधिवेशन भदौ २४ गते गर्ने तय भएको छ।
यस्तै, जिल्ला अधिवेशन असोज २ र ३ गते तथा प्रदेश अधिवेशन असोज ७ र ८ गते गर्ने निर्णय गरिएको छ।
बैठकले निर्वाचन समिति संयोजकमा वरिष्ठ अधिवक्ता प्रेमबहादुर खड्का लाई नियुक्त गरेको जनाएको छ।
