काठमाडौँ। नेपाली कांग्रेसका महामन्त्री प्रदीप पौडेलले कांग्रेस एकताका पक्षमा एकजुट हुन सबै नेता कार्यकर्तालाई अपिल गरेका छन्।

सामाजिक सञ्जालमार्फत उनले अहिलेको प्रतिकूलतामा छिनभिन्न भएर बिग्रन नहुने बताए। देशका हरेक संकटमा कांग्रेस सँगै रहेर एकजुट रहेको भन्दै उनले एकताकै बलमा कांग्रेसले विगतमा देशका ऐतिहासिक परिवर्तनको नेतृत्व गरेर सफलता पनि हासिल गरेको स्मरण गरेका छन्।

अहिलेको प्रतिकूलतामा पनि छिन्नभिन्न भएर बिग्रनु हुन्न भन्दै उनले पार्टी महामन्त्री मात्र नभइ इमानदार कार्यकर्ता भएर एकजुट हुन अपिल गरे।

“अहिलेको प्रतिकूलतामा पनि हामी छिन्नभिन्न भएर बिग्रनु हुन्न,” उनले भने, “म पार्टी महामन्त्री मात्र नभै एक इमानदार कार्यकर्ता भएर भन्दै छु- हामी सबै एकजुट होऔँ !”

महामन्त्री पौडेलले कांग्रेसका सबै नेता कार्यकर्तालाई एकतामा नै शक्ति रहेको बताए। ‘र, यसैको बलमा नै हामीले फेरि उज्यालो भविष्य प्राप्त गर्नेछौँ,” उनले भनेका छन्।