नेपालका संयुक्त राष्ट्रसंघसम्बन्धी तीनवटा स्थायी नियोगसहित कुल ३४ वटा राजदूतावास र १० वटा महावाणिज्य दूतावास रहेका छन्। बेलायत, बहराइन, बंगलादेश, बेल्जियम, ब्राजिल, क्यानडा, चीन, डेनमार्क, इजिप्ट, फ्रान्स, जर्मनी, भारत, इजरायल, जापान, कोरिया, कुवेत, मलेसिया, म्यानमार, ओमान, पाकिस्तान, पोर्चुगल, कतार, रुस, साउदी अरेबिया, दक्षिण अफ्रिका, श्रीलंका, थाइल्यान्ड, युएई, अमेरिका र स्पेनमा नेपाली राजदूतावास सञ्चालनमा छन्।
न्युयोर्क, जेनेभा र भियनामा रहेका संयुक्त राष्ट्रसंघका स्थायी नियोगहरूमा परराष्ट्र मन्त्रालयका सहसचिवहरूले स्थायी प्रतिनिधि वा राजदूतको भूमिका निर्वाह गरिरहेका छन्। त्यस्तै चीनका छेन्दु, ल्हासा, हङकङ र ग्वाङझाओ; अमेरिकाका न्युयोर्क, डालस र सन फ्रान्सिस्को; युएईको दुबई; भारतको कोलकाता; र साउदी अरेबियाको जेद्दामा नेपाली महावाणिज्य दूतावासहरू रहेका छन्।
