इरानको उक्त निर्णयसँगै कच्चा तेलको मूल्यमा भने तीव्र गिरावट आएको छ। विश्लेषकहरूका अनुसार तेलको मूल्य घट्दा अल्पकालीन रूपमा मुद्रास्फीतिको दबाब कम हुने र बजारमा सकारात्मक मनोबल सिर्जना हुने संकेत देखिएको छ।

यसैबीच, अमेरिकी डलर कमजोर बन्दै जाँदा र तेलको मूल्यमा आएको गिरावटले लगानीकर्ताहरूलाई सुन र चाँदीतर्फ आकर्षित गरेको छ। सामान्यतया डलर कमजोर हुँदा बहुमूल्य धातुहरूको माग बढ्ने भएकाले मूल्यमा वृद्धि देखिने गर्छ।

इरानी विदेशमन्त्री सैयद अब्बास अराघचीले सामाजिक सञ्जाल ‘एक्स’ मार्फत लेबनानमा भएको युद्धविरामको भावना अनुरूप हर्मोज जलसन्धि सबै व्यावसायिक जहाजका लागि खुला गरिएको जानकारी दिएका छन्। उनले युद्धविराम कायम रहने अवधिसम्म उक्त जलमार्ग पूर्ण रूपमा सञ्चालनमा रहने स्पष्ट पारे।

‘लेबनानमा भएको युद्धविरामसँगै हर्मोज जलसन्धिबाट हुने सबै व्यावसायिक पारवहन अब पूर्ण रूपमा खुला गरिएको छ,’ उनले बताएका छन्।