काठमाडौँ। सहकारी ठगीको आरोपमा मञ्जुश्री सेभिङ एन्ड क्रेडिट को-अपरेटिभ लिमिटेडका अध्यक्ष नारायणप्रसाद घिमिरेलाई पक्राउ गरिएको छ।

सहकारीले बचतकर्तालाई चार वर्षदेखि पैसा फिर्ता नगरेको भनी बागमती प्रदेश सरकारको सहकारी मन्त्रालयमा उजुरी परेपछि सोही पत्रका आधारमा प्रहरी वृत्त बौद्धबाट खटिएको टोलीले शुक्रबार घिमिरेलाई पक्राउ गरेको हो।

वृत्तका प्रहरी नायब उपरीक्षक सन्तोष रोक्काले सहकारी ठगी अभियोगमा सोधपुछ गरी थप कारबाही प्रक्रिया अघि बढाउन पक्राउ गरिएको जानकारी दिए।

सहकारीले करिब १५० बचतकर्ताको १५ करोड रुपैयाँ रकम फिर्ता गर्न बाँकी छ।