काठमाडौँ
००:००:००
२० जेष्ठ २०८३, बुधबार
झापा। जंगली च्याउ खाएर एकै परिवारका ११ जना बिरामी परेका छन्।
झापाको बाह्रदशी गाउँपालिका २‚ बुट्टाबारीका तेजबहादुर खवासको परिवारले आज (आइतबार) बिहानको खानामा जंगली च्याउको परिकार बनाएर खाँदा बिरामी परेका हुन्।
जंगलबाट ल्याइएको च्याउ पकाएर खाएपछि परिवार सबै सदस्यमा स्वास्थ्य समस्या देखिएको जिल्ला प्रहरी कार्यालयका सूचना अधिकारी खगेन्द्रबहादुर खड्काले बताए। उनका अनुसार ५० वर्षीया कमलामाया खवास, ३१ वर्षीय डिल्ली खवास, २० वर्षीया अनिता खवाससहित आठ बालबालिका बिरामी परेका हुन्।
बिरामीलाई तत्काल उपचारका लागि प्रादेशिक अस्पताल भद्रपुर लगिएकामा प्रारम्भिक उपचारपछि नौ जनालाई दमकस्थित बाल अस्पतालमा थप उपचारका लागि पठाइएको खड्काले जानकारी दिए। उनका अनुसार बिरामीमध्ये दुई जनाको अवस्था मध्यम र अन्यको अवस्था सामान्य छ।
यसैबीच प्रहरीले जंगली च्याउ सेवन गर्दा विषाक्त हुने र स्वास्थ्य समस्याको जोखिम रहने भएकाले पहिचान नभएका च्याउ नखान सर्वसाधारणमा अपिलसमेत गरेको छ।
यो पनि…
