काठमाडौँ । भूमि व्यवस्था, सहकारी तथा गरिबी निवारण मन्त्रालय अन्तर्गतको समस्याग्रस्त सहकारी व्यवस्थापन समितिको कार्यालयले ओरिएन्टल को-अपरेटिभका ऋणीहरूको विवरण सार्वजनिक गरेको छ। कार्यालयले कुल २८४ जना ऋणीको तीन पुस्ते विवरणसहित नामावली प्रकाशन गरेको हो।

कार्यालयका अनुसार सहकारीसँग सम्बन्धित ती ऋणीहरूलाई आफ्नो बक्यौता ऋण यथाशीघ्र चुक्ता गर्न आग्रह गरिएको छ। तोकिएको समयभित्र ऋण फर्छ्यौट नगरेमा प्रचलित कानुनअनुसार असुली प्रक्रिया अघि बढाइने चेतावनीसमेत दिइएको छ।

समस्याग्रस्त सहकारी व्यवस्थापन समितिको कार्यालयले ऋण असुली तथा सहकारी दायित्व व्यवस्थापनलाई प्रभावकारी बनाउन यस्तो नामावली सार्वजनिक गरिएको जनाएको छ।