काठमाडौँ। गोदरेजको भीसी कुलर नेपाली बजारमा भित्रिएको छ। आधुनिक प्रविधि, ऊर्जा दक्ष प्रणाली तथा प्रयोगमैत्री सुविधाले सुसज्जित यो शृंखला पेय पदार्थ, डेरी उत्पादन तथा चिसो तापक्रममा भण्डारण गर्नुपर्ने सामग्रीको सुरक्षित र प्रभावकारी व्यवस्थापनका लागि डिजाइन गरिएको हो।

नेपालका लागि गोदरेज होम अप्लायन्सको आधिकारिक वितरक सीजी इलेक्ट्रोनिक्सले यसका दुई मोडेल बजारमा उपलब्ध गराएको छ।

नयाँ शृंखलाअन्तर्गत VC EDXX 390X 1RNL RW तथा VC EDXX 335X 1RNL RW मोडेल उपलब्ध छन्। यी मोडेलमा क्रमशः ३६५ लिटर कुल क्षमता तथा ३४५ लिटर प्रयोगयोग्य क्षमता र ३१५ लिटर कुल क्षमता तथा २९५ लिटर प्रयोगयोग्य क्षमता उपलब्ध छ।

पर्याप्त भण्डारण क्षमताका कारण विभिन्न व्यावसायिक आवश्यकताअनुसार उत्पादनहरूलाई व्यवस्थित रूपमा राख्न सहज हुने अपेक्षा गरिएको छ।

यस भीसी कुलरमा समावेश गरिएको Low Emissivity Glass प्रविधिले बाहिरी तापक्रमको प्रभाव कम गर्दै भित्रको शीतल वातावरणलाई लामो समयसम्म कायम राख्न मद्दत पुर्‍याउँछ। यसले स्थिर तापक्रम कायम गर्नुका साथै ऊर्जा खपतलाई प्रभावकारी रूपमा नियन्त्रण गर्न सहयोग पुर्‍याउँछ।

त्यसैगरी यसमा रहेको Large Evaporator Fan ले कुलरभित्र चिसो हावालाई समान रूपमा प्रवाह गरी प्रत्येक भागमा एकरूप शीतलन सुनिश्चित गर्दछ। समान तापक्रम वितरणले उत्पादनको ताजापन तथा गुणस्तरलाई लामो समयसम्म सुरक्षित राख्न मद्दत पुर्‍याउने अपेक्षा गरिएको छ।

उत्पादनको दृश्य प्रदर्शनलाई थप प्रभावकारी बनाउन यसमा Anti-Condensation System समावेश गरिएको छ। जसले काँचको सतहमा बाफ वा पानी जम्न नदिई उत्पादनहरूलाई स्पष्ट रूपमा देख्न सहयोग गर्दछ। साथै भित्री भागमा रहेको LED Illuminated Interior ले न्यून ऊर्जा खपत गर्दै उत्पादनलाई अझ आकर्षक तथा व्यवस्थित रूपमा प्रस्तुत गर्न मद्दत गर्छ।

उच्च तापक्रम भएका वातावरणमा समेत स्थिर कार्यसम्पादन सुनिश्चित गर्न यसमा Tropicalised Compressor प्रयोग गरिएको छ। यसले विभिन्न मौसमीय अवस्थाहरूमा पनि भरपर्दो शीतलता क्षमता प्रदान गर्न सहयोग गर्ने अपेक्षा गरिएको छ। साथै Adjustable Shelves सुविधाले विभिन्न आकार तथा प्रकारका उत्पादनहरूलाई आवश्यकताअनुसार व्यवस्थित रूपमा राख्न थप सहजता प्रदान गर्छ।

यसका अतिरिक्त Energy-Efficient Cooling System ले न्यून ऊर्जा खपतमार्फत प्रभावकारी शीतल सुनिश्चित गर्छ। यस प्रविधिले व्यावसायिक प्रयोगका क्रममा विद्युत् खर्चलाई नियन्त्रणमा राख्दै दीर्घकालीन तथा भरपर्दो कार्यसम्पादन प्रदान गर्न सहयोग पुर्‍याउने विश्वास गरिएको छ।

ऊर्जा बचत, प्रभावकारी चिसो बनाउने क्षमता, आकर्षक डिजाइन तथा आधुनिक सुविधाको संयोजन रहेको गोदरेजको नयाँ भीसी कुलरले व्यावसायिक प्रतिष्ठानहरूलाई थप सहज, व्यवस्थित तथा प्रभावकारी सञ्चालन अनुभव प्रदान गर्ने अपेक्षा गरिएको छ।

नेपालमा सीजी इलेक्ट्रोनिक्सले गोदरेजका होम अप्लायन्स उत्पादनको आधिकारिक बिक्री तथा वितरण गर्दै आएको छ। गोदरेजका भीसी कुलरसँगै रेफ्रिजिरेटर, चेस्ट फ्रिजर‚ वासिङ मेसिन‚ माइक्रोवेभ ओभन तथा एसीलगायत उत्पादन पनि नेपाली बजारमा लोकप्रिय छन्। कम्पनीले आधुनिक प्रविधियुक्त तथा उपभोक्तामैत्री उत्पादनमार्फत नेपाली ग्राहकको आवश्यकता पूरा गर्दै आएको छ।