काठमाडौँ। राष्ट्रियसभाको बैठकमा अर्थमन्त्री स्वर्णिम वाग्लेले प्रस्तुत गरेको विनियोजन विधेयकका सिद्धान्त र प्राथिमकताका सम्बन्धमा (कर बाहेक) छलफल भएको छ।

छलफलका क्रममा दलीय आधारमा सांसदले उक्त प्रस्तावित विषयमाथि आ-आफ्नो धारणा राखेका छन्। यसै क्रममा सांसद विष्णुदेवी पुडासैनीले प्रधानमन्त्रीलाई राज्य व्यवस्थाप्रति उत्तरदायी हुन आग्रह गरिन्।

सांसद उर्मिला अर्यालले प्रस्तावित विधेयकका सिद्धान्त र प्राथिमकताका सम्बन्धमा सीमान्तकृत समुदायलाई प्राथमिकतामा राख्नुपर्ने सुझाव दिइन्। सांसद सोमनाथ पोर्तेलले निजी क्षेत्रको आत्मविश्वास बढाउने जिम्मेवारी सरकारको रहेको बताउँदै वित्तीय सङ्घीयताको मार्गचित्रबारे मनन गर्न पनि आग्रह गरे।

सांसद रोशनी मेचेले डिजिटल साक्षरता बढाउने कुरामा सरकारले प्राथमिकता दिनुपर्ने बताइन्। बैठकमा महन्त ठाकुर, वासुदेव घिमिरे, सुरेशकुमार आलेमगरलगायत सांसदले धारणा राखेका थिए।