काठमाडौँ। बदलिँदो जीवनशैलीसँगै आजका उपभोक्ता घरायसी उपकरणमा केवल आकर्षक डिजाइन मात्र नभई सुविधा, ऊर्जा दक्षता र भरपर्दो कार्यक्षमताको अपेक्षा राख्न थालेका छन्।

विशेषगरी रेफ्रिजेरेटर अब केवल खाद्य सामग्री चिसो राख्ने उपकरण मात्र नभई घरको दैनिक जीवनलाई व्यवस्थित बनाउने आवश्यक हिस्सा बनिसकेको छ। यही बदलिँदो आवश्यकता र उपभोक्ताको अपेक्षालाई ध्यानमा राख्दै माइडियाले नेपाली बजारमा आफ्नो नयाँ डबल डोर रेफ्रिजेरेटर (MDRT294FGG28NP) सार्वजनिक गरेको छ।

आधुनिक डिजाइन, प्रयोगमैत्री संरचना तथा स्मार्ट सुविधासहित ल्याइएको यो रेफ्रिजेरेटरले नेपाली परिवारको दैनिक जीवनलाई थप सहज बनाउने विश्वास कम्पनीले व्यक्त गरेको छ। २१० लिटर स्टोरेज क्षमता भएको यस उत्पादनले साना तथा मध्यम आकारका परिवारका लागि पर्याप्त भण्डारण सुविधा उपलब्ध गराउनेछ।

आजका उपभोक्ताले समय बचतसँगै सहज र टिकाउ समाधान खोजिरहेका छन्। त्यसैलाई ध्यानमा राख्दै यो रेफ्रिजेरेटरमा ‘डाइरेक्ट कुल नन-इन्भर्टर टेक्नोलोजी’ समावेश छ। जसले प्रभावकारी चिसोपन कायम राख्न सहयोग पुर्‍याउँछ। साथै Easy Mechanical Temperature Control ले प्रयोगकर्तालाई आवश्यकता अनुसार तापक्रम नियन्त्रण गर्न सहज बनाउँछ।

यसमा फलफूल, तरकारी तथा अन्य खाद्य सामग्रीलाई लामो समयसम्म ताजा राख्छ। दैनिक प्रयोगलाई अझ सहज बनाउन One Touch Defrost System जडान गरिएको छ भने Low Frost Technology ले अत्यधिक बरफ जम्ने समस्या कम गर्न सहयोग गर्ने भएकाले सफाइ तथा मर्मतमा सहजता ल्याउँछ।

प्रयोगकर्ताको सुविधा र टिकाउपनलाई ध्यानमा राख्दै Durable Tempered Glass Shelves प्रयोग गरिएको छ। जसले बढी तौल भएका सामग्री पनि सुरक्षित रूपमा राख्न सक्ने क्षमता प्रदान गर्छ।

उपभोक्तालाई थप विश्वसनीय अनुभव प्रदान गर्ने उद्देश्यका साथ कम्पनीले उत्पादनमा दुई वर्षको वारेन्टी तथा कम्प्रेसरमा १० वर्षको वारेन्टीसमेत उपलब्ध गराएको जनाएको छ। सीजी इलेक्ट्रोनिक्समार्फत नेपाली बजारमा उपलब्ध माइडियाका वासिङ मेसिन, रेफ्रिजेरेटर, माइक्रोवेभ, एयर फ्रायर, भान्सासम्बन्धी उपकरण, पंखा, हिटरलगायत विभिन्न घरेलु विद्युतीय सामग्री उपभोक्तामाझ लोकप्रिय बन्दै गइरहेका छन्।

आधुनिक प्रविधि, ऊर्जा बचत, शक्तिशाली कार्यक्षमता र टिकाउ गुणस्तरका कारण माइडिया उत्पादन नेपाली बजारमा भरपर्दो तथा विश्वासिलो ब्रान्डका रूपमा चिनिँदै आएका छन्।