काठमाडौं। एसियन गेम्सको महिला क्रिकेट छनोट प्रतियोगिताअन्तर्गत इन्डोनेसियासँगको खेल जित्न नेपालले ११४ रनको लक्ष्य पाएको छ।

मलेसियाको बायोमास ओभलमा टस जितेर ब्याटिङ रोजेको इन्डोनेसियाले निर्धारित २० ओभरमा चार विकेट गुमाएर ११३ रन बनाएको हो।

इन्डोनेसियाकी कप्तान नी पुतु आयु नन्द सकरिनीले अविजित ५६ रनको अर्धशतकीय पारी खेलिन् । उनले ६२ बलमा तीन चौका प्रहार गरिन्। नी लुह देवीले २३ र नी मेड पुत्री सुवान्देवीले १३ रन जोडे।

तेस्रो विकेटका निम्ति सकरिनी र देवीले ६५ रनको साझेदारी गरेका थिए।

नेपालकी मनीषा उपाध्यायले दुई विकेट लिइन् । रीया शर्माका नाममा एक विकेट रह्यो।