काठमाडौँ । इरानले विश्वकै अत्यन्त व्यस्त समुद्री मार्ग स्ट्रेट अफ हर्मुज लाई फेरि बन्द गर्ने घोषणा गरेको छ। युद्धविराम अवधिभर खुला गरिएको यो मार्ग २४ घन्टा नबित्दै पुनः प्रतिबन्धित गरिएको हो।
इरानले शुक्रबार मात्र विश्वासका आधारमा केही तेल तथा मालवाहक जहाजहरूलाई आवतजावतको अनुमति दिएको थियो। तर, अमेरिकाले आफ्नो प्रतिबद्धता पूरा नगरेको र नाकाबन्दीलाई निरन्तरता दिएको आरोप लगाउँदै इरानले पुनः कडा कदम चालेको हो।
इरानी पक्षका अनुसार अब हर्मुज हुँदै हुने सम्पूर्ण जहाज आवागमन सेनाको पूर्ण नियन्त्रणमा रहनेछ। साथै, अमेरिकाले आफ्ना बन्दरगाहमाथिको नाकाबन्दी नहटाएसम्म कुनै पनि जहाजलाई पार गर्न नदिने स्पष्ट चेतावनी दिइएको छ।
अमेरिकाले भने नाकाबन्दी हटाउन अस्वीकार गरेको छ। पूर्व राष्ट्रपति Donald Trump ले इरानसँग सम्झौता नभएसम्म कडाइ जारी रहने बताएका छन्। उनले इरानसँग रहेको प्रशोधित युरेनियम अमेरिकाको नियन्त्रणमा ल्याउने दाबीसमेत गरेका छन्।
यता, इरानले उक्त युरेनियमलाई आफ्नो भूमि सरह पवित्र भएको भन्दै कुनै पनि हालतमा हस्तान्तरण नगर्ने अडान दोहोर्याएको छ। यसैबीच, डोनाल्ड ट्रम्पले वार्ताबाट समाधान ननिस्किए पुनः सैन्य कारबाही गर्न सकिने चेतावनी दिएका छन्।
