काठमाडौँ। काठमाडौँका विभिन्न स्थानमा रहेका सुकुम्बासी बस्ती हटाइएपछि प्रभावित परिवारको विवरण संकलन कार्य तीव्र पारिएको छ। त्रिपुरेश्वरस्थित दशरथ रंगशालामा नाम दर्ता गराउने परिवारको संख्या हालसम्म तीन हजार १११ पुगेको छ।

बागमती सभ्यता एकीकृत विकास समिति र उपत्यका विकास प्राधिकरणले १२ वैशाखदेखि संयुक्त रूपमा रंगशालामा बसेर प्रभावित परिवारको तथ्यांक संकलन गरिरहेका छन्। रंगशालाको पश्चिमतर्फ छुट्टाछुट्टै डेस्क स्थापना गरी परिवारहरूलाई फाराम भर्न लगाउने तथा आवश्यक विवरण संकलन गर्ने काम भइरहेको छ।

यो पनि…

सुकुम्बासी बस्ती खाली गराउँदाको विवरण झिकाउन आदेश

प्रभावित नागरिकको आधारभूत आवश्यकता सम्बोधन गर्न विभिन्न सहायक सेवा पनि सञ्चालनमा ल्याइएको छ। रंगशालाभित्र स्वास्थ्य परीक्षण, खानपानको व्यवस्था तथा राष्ट्रिय परिचयपत्र बनाउने सेवा उपलब्ध गराइएको छ। यी सबै व्यवस्थापन तथा समन्वयको जिम्मेवारी काठमाडौँ महानगरपालिकाले सम्हालिरहेको छ।