काठमाडौँ । सशस्त्र प्रहरीले फेवातालबाट दुई जना भारतीय पर्यटकको सकुशल उद्धार गरेको छ। मंगलबार साँझ हावाहुरी र पानीको छालका कारण दुईवटा सर्फेस बोट पल्टिएको थियो।
दुर्घटनामा परेका भारतका ४० वर्षका धीरज कोरवाल र ३५ वर्षका विकास कोरवाललाई सशस्त्र प्रहरीले सुरक्षित स्थानमा ल्याएको हो। उनीहरू नेपाल घुम्न पोखरा आएका थिए।
फेवा वाच एण्ड रेस्क्यु टावरमा खटिएको सशस्त्र प्रहरी सहायक निरीक्षक राजु थापाको कमाण्डमा रहेको १० जनाको विपद् व्यवस्थापन टोलीले उनीहरुको उद्धार गरेको हो।
