काठमाडौँ। जर्ज मुन्सेको अर्धशतकसँगै स्कटल्यान्डले आईसीसी क्रिकेट विश्वकप लिग-२ मा नेपाललाई २४४ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ थालेको स्कटल्यान्डले निर्धारित ५० ओभरमा ८ विकेट गुमाउँदै २४३ रन बनाएको हो।

स्कटल्यान्डका ओपनर मुन्सेले सर्वाधिक ७५ रन बनाए। ६२ बल खेलेका उनले १२ चौका र २ छक्का प्रहार गरे। उनले फिनले माकरिथले पहिलो विकेटका लागि ११४ रनको साझेदारी गरे। फिनले ६२ बलमा ३ चौकासहित ३५ रनको साझेदारी गरे।

माइकल लिस्क २९, मार्क वाट २४ र म्याथ्यु क्रस १८ मा आउट हुँदा मिचेल इङ्लिस ३४ रनमा अविजित रहे।

नेपालका सन्दीप लामिछानेले सर्वाधिक ४ विकेट लिए। १० ओभर बलिङ गरेका उनले एक मेडनसहित ४१ रन खर्चिए। करण केसी र नन्दन यादवले समान २ विकेट राखे।