झापा। झापाको बिर्तामोड नगरपालिका ३‚ हटियालाइनस्थित अदुवाखोला पुलनजिक टिपरको ठक्करबाट एक बालिकाको मृत्यु भएको छ।

रामचोकबाट भद्रपुरतर्फ जाँदै गरेको मे.१क ६४३ नम्बरको गिट्टी बोकेको टिपरले पैदल हिँडिरहेकी स्थानीय १० वर्षीया अनुकृति चापागाईलाई ठक्कर दिएको थियो।

सख्त घाइते अनुकृतिलाई उपचारका लागि बिर्तासिटी अस्पताल पुर्‍याइएको थियो। अस्पतालमा चिकित्सकले उनलाई मृत घोषणा गरेको जिल्ला प्रहरी कार्यालय झापाका प्रहरी नायब उपरीक्षक रञ्जन अवाले जानकारी दिए।

टिपर चालक बुद्धशान्ति गाउँपालिका १ का ५३ वर्षीय श्यामप्रसाद दाहाललाई प्रहरीले नियन्त्रणमा लिएको छ।