काठमाडौँ। पूर्वी नवलपरासीको गैँडाकोट नगरपालिका-२ स्थित नारायणी नदीमा हामफालेका एक वृद्धको सशस्त्र प्रहरीले सकुशल उद्धार गरेको छ।

नदीमा हामफाले लगत्तै सशस्त्र प्रहरी बल नेपाल नं ३१ गुल्म पूर्वी नवलपरासीबाट खटिएको टोलीले देवचुली नगरपालिका-११, धारापानी बस्ने ६२ वर्षीय झनकप्रसाद पौडेलको आज बिहान उनलाई मोटर बोटको सहयोगमा सकुशल उद्धार गरेको हो।

उनलाई उपचारका लागि अस्पताल पठाइएको सशस्त्र प्रहरी बलका सहप्रवक्ता शैलेन्द्र थापाले जानकारी दिए।