काठमाडौँ। नेपाली कांग्रेसका नेता श्यामकुमार घिमिरेले पार्टीमा पछिल्लो समय देखिएको विवाद समाधानका लागि नेताहरूबीच छलफल र वार्ता सकारात्मक रूपमा अघि बढेको बताएका छन्।

पार्टी केन्द्रीय कार्यालय सानेपामा कांग्रेस केन्द्रीय समिति बैठक सुरु हुनुअघि सञ्चारकर्मीलाई प्रतिक्रिया दिँदै उनले पार्टीका नेताबीच विवाद समाधानका लागि छलफल जारी रहेको जानकारी दिए। पार्टीको निवर्तमान प्रमुख सचेतकसमेत रहेका घिमिरेले भने, “वार्ता चलिरहेको छ। वार्ताले एउटा आकार लिन्छ भन्नेमा हामी विश्वस्त छौँ। आज रातभरिमा एउटा सहमतिको विन्दुमा पुग्छौँ। भोलि पार्टीलाई एक भएर अगाडि बढाउँछौँ।”

वार्ता प्रक्रिया चलिरेहका कारण केन्द्रीय समितिको बैठक समयमै सुरु हुन सकेन। कांग्रेसको विशेष महाधिवेशन पक्षधरले महामन्त्रीद्वय गगनकुमार थापा र विश्वप्रकाश शर्माको अगुवाइमा काठमाडौँको भृकुटीमण्डपमा यही २७ पुसदेखि आयोजना गरेको महाधिवेशनको बन्दसत्र अझै जारी छ।

यो पनि…

कांग्रेस विशेष महाधिवेशनमा मनोनयन दर्ता शुल्क तोकियो‚ सभापतिका उम्मेदवारलाई ३० हजार